28, ნოემბერი 2017 14:11:00
შსს-ს ინფორმაციით, „ლეოგრანდში“ მომხდარ ხანძართან დაკავშირებით საქმეს აჭარის პოლიციის დეპარტამენტი იძიებს. გამოძიება საქართველოს სისხლის სამართლის კოდექსის 243-ე მუხლის მე-3 ნაწილით მიმდინარეობს , რაც სახანძრო უსაფრთხოების წესის დარღვევას გულისხმობს იმის მიერ, ვისაც ამ წესის დაცვა ევალებოდა, რამაც გამოიწვია ორი ან მეტი ადამიანის სიცოცხლის მოსპობა ან სხვა მძიმე შედეგი , ისჯება თავისუფლების აღკვეთით ვადით ხუთიდან რვა წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე. სასტუმრო „ლეოგრანდში“ ხანძარი 24 ნოემბერს, საღამოს გაჩნდა. შედეგად 11 ადამიანი დაიღუპა, 21 კი დაშავდა. (40 წამი)