28, ნოემბერი 2017 14:03:00
ქალთა მიმართ ძალადობის წინააღმდეგ ბრძოლის საერთაშორისო დღესთან დაკავშირებით, ბათუმის რაიონული პროკურატურის პროკურორები ბათუმის შოთა რუსთაველის სახელმწიფო უნივერსიტეტის სტუდენტებს შეხვდნენ. ახალგაზრდებთან ერთად განიხილეს ისეთი პრობლემური საკითხები, როგორიცაა ოჯახში ძალადობა და მისი ელემენტები, ადევნება და კოორდინატორის ინსტიტუტის როლი, თუ რა ფუნქცია და მნიშვნელობა აქვს კოორდინატორს. ასევე ის პრობლემები, რომლსაც დაზარალებული აწყდება სისხლის სამართლის სამართალწარმოების ეტაპზე. „დაზარალებულთა კვირეულის“ ფარგლებში, პროკურორები შეხვედრებს სკოლის მოსწავლეებთან და ასევე მოსახლეობასთანაც გამართავენ. აღნიშნული კვირეული პროკურატურის ორგანიზებით, 27 ნოემბრიდან 3 დეკემბრის ჩათვლით გაიმართება.