სკოლებსა და ბაღებში სახანძრო უსაფრთხოების დაცვა და შენობების შესაბამისი სისტემით აღჭურვის საკითხები განიხილეს დღეს ხელვაჩაურში გამართულ შეხვედრაზე. აჭარის განათლების, კულტურის და სპორტის მინისტრი სკოლამდელი აღზრდის და საგანმანათლებლო დაწესებულებების ხელმძღვანელებს სიმულაციური ვარჯიშების ჩატარების აუცილებლობაზე ესაუბრა. ინგა შამილიშვილმა სკოლების და ბაღების დირექტორებისგან მოისმინა ინფორმაცია, თუ რომელ დაწესებულებაში რა პრობლემები არსებობს აღნიშნული მიმართულებით. შამილიშვილის განცხადებით, უწყება მზადაა სკოლებს ხანძარსაწინააღმდეგო ინვენტარის შეძენაში დაეხმაროს. ასევე დაწყებულია მონიტორინგი, რომლის დასრულების შემდეგ გამოიკვეთება რომელ სკოლაში თუ ბაღში რა კონკრეტული ღონისძიებებია გასატარებელი სახანძრო უსაფრთხოების გაძლიერების კუთხით.
3
s
s
s