11, დეკემბერი 2017 17:03:00
თამაზ ბაკურიძე მოუწოდებს იპოთეკით დაზარალებულ პირებს, დახმარებისთვის დროულად მიმართონ. უფლებადამცველმა დღეს აღნიშნა, რომ ოჯახები მას ხშირად მაშინ სთხოვენ დახმარებას, როცა მევახშე თუ ბანკი აღსრულების ბიუროს წარმომადგენლებთან ერთად მიდის გამოსახლებისთვის. ბაკურიძემ აღნიშნა, რომ მიმდინარე წელს გამოსახლების მცდელობის ოთხი შემთხვევა იყო, საიდანაც დაგვიანებული მიმართვის გამო მხოლოდ ერთი ვერ შეაჩერეს. ბაკურიძე ასევე აღნიშნავს, რომ გამოსახლების საფრთხე აჭარაში 150 ოჯახს ემუქრება, ამიტომ სთხოვს ხელისუფლებას, შეასრულოს დანაპირები და ოჯახები არსებული მდგომარეობიდან გამოიყვანონ. პოზიცია აჭარის მთავრობამ წერილობით გაგვაცნო. წერილში წერია რომ იპოთეკარებსა და კომრციულ ბანკებს შორის, მთავრობის თავმჯდომარის შეხვედრების საფუძველზე , მიმდინარე წელს 50-მდე იპოთეკართან მიმართებაში სესხის გაცემის გადაწყვეტილება მიიღო.