12, დეკემბერი 2017 17:01:00
პროექტის „პეტიცია-ხალხის ხმა თვითმმართველობაში“ ფარგლებში ბათუმის საკრებულოში შეხვედრა გაიმართა. გაცნობითი სახის შეხვედრაზე საკრებულოს წევრებმა მუნიციპალიტეტში პეტიციების კუთხით არსებულ პრაქტიკაზე, ხარვეზებსა და სამომავლო თანამშრომლობაზე იმსჯელეს. წარმომადგენლობითი ორგანოს წევრებს ახალი პეტიციებიც გააცნეს. როგორც „დემოკრატიის ინსტიტუტში“ აღნიშნეს გასულ წელს ბათუმის საკრებულომ 7 წარდგენილი პეტიციიდან მხოლოდ ორი მიიღო, უსახსრობის გამო არც ერთი შესრულებულა. რაც შეეხება ახალი მოწვევის საკრებულოს, ორგანიზაციამ წარმომადგენლობით ორგანოში 4 პატიციის შეიტანა. შეხვედრას საკრებულოს წევრები და პეტიციის ინიციატორები ესწრებოდნენ. პროექტს „პეტიცია-ხალხის ხმა თვითმმართველობაში“ ა/ო „დემოკრატიის ინსტიტუტი“ ახორციელებს.