„სრულიად საქართველოს მუსლიმთა უმაღლესი სასულიერო სამმართველო“ საქართველოს მთავრობის წინააღმდეგ - საკონსტიტუციო სასამართლო საქმეზე არსებით განხილვას განაგრძობს. მოსარჩელეები შიიტი მუსლიმები არიან. მხარე მთავრობის 2014 წლის იმ დადგენილების არაკონსტიტუციურად ცნობას ითხოვს, რომელიც საბჭოთა რეჟიმის დროს მიყენებული ზიანის ანაზღაურების წესს ადგენს. დადგენილების მიხედვით, ფულადი კომპენსაციის მისაღებად მუსლიმი თემი, იქნება ეს შიიტური, თუ სუნიტური გაერთიანება, ერთ საჯარო სამართლის იურიდიულ პირად უნდა გაერთიანდნენ. ამ მოთხოვნას სადაო ნორმა არ უყენებს იგივე ქრისტიანული აღმსარებლობის გაერთიანებებს, რაც მოსარჩელის მტკიცებით, დისკრიმინაციულია და ირღვევა თანასწორობის უფლება, მით უფრო იმ გარემოების გათვალისწინებით, რომ შიიტ და სუნიტ მუსლიმებს შორის არის პრინციპული უთანხმოება და სახელმწიფოსგან ზიანის ანაზღაურების მიზნით თანამშრომლობა უნდა იყოს იძულებითი.
2
s
s
s