04, თებერვალი 2017 11:18:00
ბათუმში დაკავებული ახალგალზრდების საქმეზე სასამართლო პროცესი ხვალისთვის გადაიდო. დღეს გამართულ სხომაზე კი მოსამართლემ მხარეებს მოუსმინა. ისინი ადმინისტრაციული სამართალდარღვევის კოდექსის კონკრეტული მუხლების შესაბამისად დააკავეს. ინციდენტში მონაწილე პირები პოლიციის თანამშრომლებს ფიზიკურ და სიტყვიერ შეურაცხყოფაში ადანაშაულებენ. შემთხვევა ბათუმის ბულვარში მოხდა. არსებული ინფორმაციით, პოლიციისთვის წინააღმდეგობის გაწევისა და წვრილმანი ხულიგნობისთვის სამართალდამცავებმა 7 პირი დააკავეს. მათგან ერთი არასრულწლოვანია. ფაქტის მოკვლება სახალხო დამცველის აპარატმა უკვე დაიწყო. შინაგან საქმეთა სამინისტროს პრესცენტრის ცნობით, ახალგაზრდები ერთმანეთს ფიზიკურად უწორდებოდნენ, ადგილზე მისულ სამართალდამცავებს კი მათ წინააღმდეგობა გაუწიეს. უწყებაში განმარტეს, რომ პოლიციელების მხრიდან ძალადობას ადგილი არ ჰქონია.