05, თებერვალი 2017 11:05:00
ჯართად ქცეული ავტომობილები ჩვენს გადამღებ ჯგუფს დაკეტილი დახვდა. როგორც ირკვევა სატვირთოებს მეპატრონეები საწყობად იყენებენ. იმის გამო, რომ ტროტუარი მთლიანად ათვისებულია, ქვეითები საავტომობილო გზაზე გადაადგილდებიან.
ხანდაზმულობა ყველა ავტომობილს ვიზუალურად ეტყობა. სატვირთოები საბურავების გარეშე ტროტუარზე დევს. ესთეთიურად მოუწესრიგებელი გარემო ყველაზე მეტად გამვლელებს აწუხებთ, რაც მათი აზრით, ტურისტული ქალაქის იმიჯზე უარყოფით ზეგავლენას ახდენს.
რატომ არ რეაგირებს ბათუმის მერია ადმინისტრაციული სამართალდარღვევის ფაქტებზე? და რატომ არ ზრუნავს უწყება მოქალაქეების უსაფრთხოებაზე? კითხვები თვითმართველობაში დღეს უპასუხოდ დატოვეს. მერიის პრესცენტრის წარმომადგენლებმა თემაზე საპასუხოდ კომპეტენტური პირი დღის განმავლობაში ვერ მოიძიეს.
შინაგან საქმეთა სამინისტროში განმარტეს, რომ საკითხით აჭარის საპატრულო პოლიცია დაინტერესდება და შესაბამისი ზომებიც გატარდება. „TV 25“-ის გადამღები ჯგუფი აღნიშნული თემით კვლავ დაინტერესდება.