26, დეკემბერი 2017 20:06:00
ბათუმში ყინულის ახალი არენა და საცურაო აუზი აშენდება. საპროექტო-სახარჯთაღრიცხვო დოკუმენტაციისა და სამშენებლო სამუშაოების შესყიდვის მიზნით ტენდერი უკვე გამოცხადდა. მშენებლობა, ლადო ასათიანის ქუჩა №27-შია დაგეგმილი. ყინულის არენა სასწავლო-სავარჯიშო პროცესისა და სხვადასხვა დონის შეჯიბრებებისთვის იქნება გათვალისწინებული. აჭარის ფინანსთა და ეკონომიკის სამინისტროში განმარტეს, რომ შენობა შეზღუდული შესაძლებლობების მქონე პირებზე უნდა იყოს მორგებული. პროექტის საერთო სავარაუდო ღირებულება: 46 000 000 ლარია.