27, დეკემბერი 2017 14:06:00
პროექტ "საზოგადოებრივი პროკურატურის" ფარგლებში ბათუმის რაიონული პროკურატურის წარმომადგენლებმა გრიგოლ რობაქიძის უნივერსიტეტის სტუდენტებთან შეხვედრა გამართეს. ღონისძიებაზე ახალგაზრდებს ორ ძირითად თემაზე, ნარკოტიკულ და სატრანსპორტო დანაშაულზე მიაწოდეს ინფორმაცია. ყურადღება გაამახვილეს ნარკოტიკის მოხმარების ნეგატიურ მხარეებზე, საკანონმდებლო რეგულაციებზე და სისხლის სამართლებლივ საკითხებზე. ასევე სატრანსპორტო დანაშაულთან დაკავშირებულ, საგზაო წესების დაცვასა და მათი დარღვევის შემთხვევაში სამართლებრივ შედეგებზე. აღნიშნული პროექტის ფარგლებში მსგავს აქტივობებს პროკურატურა პერიოდულად სკოლის მოსწავლეებთანაც ახორციელებს.