05, თებერვალი 2017 11:03:00
აჭარის ჯანდაცვის სამინისტრო ახალი პროგრამის ამოქმედებას იწყებს. სოციალურად დაუცველი ოჯახების მონაცემთა ერთიან ბაზაში რეგისტრირებული ოჯახების წევრები, რომლებსაც მინიჭებული აქვთ 200 000-ის ჩათვლით სარეიტინგო ქულა სამედიცინო რეაბილიტაციის პროგრამით ისარგებლებენ. პროგრამა ნებისმიერი ორგანული სისტემის დაავადებით ან დაზიანებით განპირობებული უუნარობის ფუნქციის აღდგენას ითვალისწინებს. სერვისით სარგებლობა ასევე, შეზღუდული შესაძლებლობის მქონე პირებს, ომის ვეტერანებს და ტერიტორიული მთლიანობისათვის ომში მონაწილეებსაც შეეძლებათ. სამედიცინო მომსახურების ღირებულება -1 000 ლარის ჩათვლით - 100%-ით; 1000 ლარზე მეტი კი 90%-ით დაფინანსდება.