„ერთიანი ნაციონალური მოძრაობის“ 2 წევრის სასამართლო პროცესი გადაიდო. ბათუმის საქალაქო სასამართლო განაჩენს სავარაუდოდ 13 ტებერვალს გამოიტანს. დღეს გამართულ პროცესზე კი მოსამართლე ლაშა თავართქილაძემ მოწმეები დაკითხა. ასევე განიხილეს მტკიცებულებები, რომელიც ბრალდების და დაცვის მხარეებმა წარმოადგინეს. დღესვე მოწმის სახით დაიკითხა რეზო ხარაზი და გია აბულაძე. სხდომაზე ინცინდენტიც მოხდა, ხმაურის გამო მოასამართლემ ყოფილი დეპუტატი მედეა ვასაძე დარბაზიდან გააძევა. დაცვის მხარის განმარტებით უმაღლესი საბჭოს დეპუტატი ელგუჯა ბაგრატიონი და ქობულეთის საკრებულოს წევრი ბონდო თედორაძის დაკავება პოლიტიკური ნიშნით მოხდა. შეგახსენებთ, რომ ელგუჯა ბაგრატიონი და ბონდო თედორაძე გუშინ ციხისძირში აქციის დროს დააკავეს. ისინი ბათუმი-ქობულეთის დამაკავშირებელ გზაზე შექმნილი სატრანსპორტო მიმოსვლის შეფერხებას აპროტესტებდნენ, რაც მათი თქმით, დენდროლოგიურ პარკში, ხის გადატანის პროცესს მოჰყვა.
23
s
s
s