28, დეკემბერი 2017 20:36:00
მოსამართლე დავით მამისეიშვილი ღოღობერიძისა და ჩხვირკიას საქმეზე გადაწყვეტილებას 8 იანვარს გამოაცხადებს. 11-12 მარტს ბათუმში პოლიციის წინააღმდეგ გამართულ აქციის ორგანიზებასა და ხელმძღვანელობაში ბრალდებულების ირაკლი ჩხვირკიას და მერაბ ღოღობერიძის საქმეში დასკვნითი ნაწილი დასრულდა. დღეს სასამართლომ ბრალდებულ მერაბ ღოღობერიძის დაცვის მხარეს მოუსმინა, რის შემდეგაც ბრალდების მხარემ რეპლიკა წარმოსთქვა. როგორც ღოღობერიძის ადვოკატი პაატა შავაძე აცხადებს, წარმოდგენილი მტკიცებულებებითა და მოწმეების ჩვენებების საფუძველზე მისი დაცვის ქვეშ მყოფის ბრალეულობა არ დასტურდება. დღევანდელ პროცესზე საბოლოო სიტყვა ბრალდებულმა მერაბ ღოღობერიძემაც წარმოთქვა, იგი საგამოძიებო ორგანოების მიერ წარდგენილ ბრალს არ აღიარებს.
3
s
s
s