25, იანვარი 2018 20:03:00
მოუწესრუგებელი გარემო, ანტისანიტარია და მძაფრი სუნი - ასეთი ვითარებაა მწვანე კონცხის დასახლებაში, რომლის მოგვარებასაც ადგილობრივი ითხოვს. ანდრო ქავთარაძის თქმით, პრობლემის გადაჭრის მიზნით არაერთ უწყებას მიმართა, თუმცა წერილობითი მოთხოვნები დღემდე კონკრეტული შედეგის გარეშეა. როგორც ირკვევა, ტერიტორია ბათუმის შოთა რუსთაველის სახელმწიფო უნივერსიტეტის ბალანსზე ირიცხება. მიწის ნაკვეთს კი ამ ეტაპზე ერთ-ერთი ადგილობრივი სარგებლობს. უნივერსიტეტის ადმინისტრაციაში განმარტეს, რომ ნაკვეთის დროებითი მოსარგებლე უკვე გააფრთხილეს და ტერიტორია რამდენიმე დღეში მოწესრიგდება.