ანგისის სპორტული კომპლექსის მშენებლობა გასული წლის 25 დეკემბერს დასრულდა და შენობა მერიამ ჩაიბარა, თუმცა ტერიტორიაზე სამუშაოები კვლავ გრძელდება. სწორედ ეს გარემოება „ერთიან ნაციონალურ მოძრაობას“ კორუფციის ეჭვს უჩენს და სამართალდამცავ უწყებებს თემით დაინტერესებისკენ მოუწოდებს. ნოდარ დუმბაძემ შესრულებული სამუშაოების ხარისხზეც ისაუბრა და აღნიშნა, რომ სტადიონზე უსაფრთხოების ნორმები არ არის დაცული, წვიმიან ამინდში კი მოედანზე წყალი დგება. ბათუმის მერიაში განაცხადეს, რომ იმ დარბაზის მოწყობა, რომელზეც ოპოზიცია საუბრობს, ხელშეკრულებით არ იყო გათვალისწინებული. უწყების კეთილმოწყობის სამსახურის მთავარი სპეციალისტი აღნიშნავს, რომ სივრცე კომერციულია და მისი სამომავლოდ მოწყობა „ბათუმის დინამოს“ პრეროგატივაა. ანგისის სტადიონზე სამუშაოები შპს „მონოლითმა“ აწარმოა, რისთვისაც ბიუჯეტიდან 4 მილიონ ლარზე მეტი დაიხარჯა.
27
s
s
s