20, თებერვალი 2018 14:09:00
ოპოზიცია სტუდენტების უსაფრთხო ადგილას გადაყვანას ითხოვს. საუბარია მახინჯაურში სტუდენტთა საერთო საცხოვრებელზე, რომელიც ავარიულია. "ერთიანი ნაციონალური მოძრაობის" წევრების მტკიცებით, შენობის საძირკველის დაზიანება ყოფილი პრემიერ-მინისტრის ხეების ტრანსპორტირებამ გამოიწვია. ხის გადატანის პროცესში შენობის სიახლოვეს მიწის მასაა ჩამოშლილი. გია აბულაძე ბათუმის შოთა რუსთაველის სახელმწიფო უნივერსიტეტის ადმინისტრაციას ფაქტზე დროულ რეაგირებას სთხოვს. ბრალდებას უნივერსიტეტის კანცლერმა უპასუხა. ჯემალ ანანიძე ირწმუნება, რომ შენობა ასევე, ტერიტორია სტუდენტებისთვის საფრთხის შემცველი არ არის და კომპანია კანონდარღვევების გარეშე საქმიანობს.