ჰაკერული თავდასხმა "TV 25"-ში კვლავ განმეორდა. ცოტა ხნის წინ მაუწყებლის ერთ-ერთი სამონტაჟო კომპიუტერის ეკრანზე კიბერ თავდამსხმელმა მუქარის შემცველი შეტყობინება დატოვა, სადაც იგი თანამშრომლობას მოითხოვს. წინააღმდეგ შემთხვევაში არხის ოფიციალურ ვებგვერდს, არქივსა და სიუჟეტებს წაშლის. შინაგან საქმეთა სამინისტრომ "TV 25"-ზე ჰაკერული თავდასხმის ფაქტზე გამოძიება უკვე დაიწყო. საგამოძიებო ორგანო მომხდარს ორი მუხლით იძიებს. სისხლის სამართლის კოდექსის 284-ე მუხლით, რაც კომპიუტერულ სისტემაში უნებართვოდ შეღწევას გულისხმობს, ასევე, 286-ე მუხლით, რომელიც კომპიუტერული მონაცემების ხელყოფას ითვალისწინებს. გუშინ, თავდასხმის შედეგად, საინფორმაციო სამსახურის ვიდეო მასალების და არქივის ნაწილი წაიშალა. ეთერში ვერ გავიდა "მაცნეს" ანონსი 20:00 საათზე. დღის მთავარი საინფორმაციო გამოშვება კი მუშაობის საგანგებო რეჟიმზე გადავიდა. შეგახსენებთ, მსგავსი ფაქტი მაუწყებელში ორი წლის წინაც დაფიქსირდა, თუმცა მომხდარზე შშს-ს კონკრეტული შედეგი დღემდე არ აქვს.
19
s
s
s