ქობულეთის სანაპირო ზოლზე ნაპირსამაგრი სამუშაოების განხორციელება სესხის ხარჯზე მოხდება. გადაწყვეტილება დღეს საკრებულოს სხომაზე მიიღეს. მუნიციპალიტეტი რეგიონალური განვითარების ფონდიდან 8 მილიონ 866 205 ლარს სესხის სახით ელოდება. სასესხო ვალდებულება საერთო თანხის 50 პროცენტს შეადგენს, რაც 4 ნახევარი მილიონი ლარია. ხოლო დარჩენილი 20 პროცენტი თანამონაწილეობით დაფინასნდება. რაც შეეხება თანხის 30 პროცენტს, ცნობილია, რომ იგი მუნიციპალიტეტს გრანტის სახით გამოეყოფა. სესხის ვადა 10 წელია. პროექტის ფარგლებში სანაპიროზე ჯებირის მოწყობა, ბილიკების გაკეთება და გარეგანათების ბოძების მონტაჟია დაგეგმილი. დღესვე საკრებულოს თანხმობით „ელიტა ბურჯს“ 800 ცალი ბეტონის ფილა იჯარის წესით გადაეცა. ოპოზიცია ვარაუდობს, რომ აღნიშნულ ფილებს კომპანია ხეების ტრანსპორტირებისას გამოიყენებს. „ნაციონალური მოძრაობის“ ეჭვებს ნაწილობრივ ამყარებს გამგებლის პოზიციაც.
8
s
s
s