ფიჭვნარის საბავშვო ბაღს აღსაზრდელები ჯერ არ მიუღია, შენობა კი დღეს ასე გამოიყურება. კედლებიდან ბათქაში ყოველდღიურად ცვივა. ორსართულიანი ნაგებობის ოთხივე კედელი დაზიანებულია. პრობლემა ცნობილია გამგეობისთვის, სადაც აცხადებენ, რომ სამუშაოების შემსრულებელი შპს წერილობით უკვე გააფრთხილეს. გამგებლის სულხან ევგენიძის თქმით, კომპანიას ხარვეზის გამოსწორების ვალდებულება ხელშეკრულებით ეკისრება.
ქობულეთს გამგეობამ პროექტი 2016 წლის 31 ოქტომბერს სამხარაულის ექსპერტიზის დასკვნის საფუძველზე ჩაიბარა. დაწესებულება აღსაზრდელებს სავარაუდოდ, სექტემბრიდან მიიღებს. მანამდე კი ეზოს კეთილმოწყობა უნდა დასრულდეს, რომლის მოპირკეთებაც ამ ეტაპზე არ დაწყებულა. აქ პატარებისთვის გასართობ ატრაქციონებსაც დაამონტაჟებენ. საბავშვო ბაღი 175 ბავშვზეა გათვლილი, სადაც 5 ჯგუფი იფუნქციონირებს.
ოპოზიციაში მიაჩნიათ, რომ პროექტები, რომლებსაც ქობულეთის გამგეობა ახორციელებს მუნიციპალიტეტის კლიმატურ პირობებს მორგებული არ არის. შედეგად ბონდო თედორაძის თქმით, საბიუჯეტო სახსრები არამიზნობრივად იხარჯება. საკრებულოს დეპუტატი საბავშვო ბაღის მშენებლობისას დაშვებულ შეცდომებზეც ამახვილებს ყურადღებას.
ფიჭვნარის საბავშვო ბაღის მშენებელ კომპანიაში განმარტავენ, რომ ხარვეზების აღმოფხვრა გამოდარებისთანავე დაიწყება. პროექტი კლიმატურ პირობებს, რომ ვერ გაუძლებს ამას შპს „ემტეემის“ წარმომადგენელიც ადასტურებს. ტარიელ ფანჩულიძის თმით, სასურველია შენობა თუნუქის ფირფიტებით შეიფუთოს.
ფიჭვნარის სავაბშვო ბაღის მშენებლობისთვის ქობულეთის ბიუჯეტიდან 788 888 ლარი დაიხარჯა.
2
s
s
s