22, მარტი 2018 17:05:00
კორუფციასთან ბრძოლის საინფორმაციო ცენტრის ხელმძღვანელი ბათუმის მერს მიმართავს. მერაბ ღოღობერიძე ბათუმის სოციალური სერვისების სააგენტოს ფენეფიციარებისთვის განკუთვნილ მენიუს იწუნებს. ორგანიზაციის უფროსს მიაჩნია, რომ სასადილოებში სხვადასხვა ასაკობრივი ჯგუფისთვის განსხვავებული მენიუ უნდა იყოს. ღოღობერიძის შენიშვნას იზიარებენ ის ბენეფიციარები, რომელთაც მცირეწლოვანი ბავშვები ყავთ. სოციალური სერვისების სააგენტოს დირექტორის მოვალეობის შემსრულებელი ამბობს, რომ ბავშვებისთვის სპეციალური მენიუ ბაღებს აქვთ გათვალისწინებული, ხოლო სასადილოებში წარმოდგენილი მენიუ ჯანდაცვის მიერ არის დამტკიცებული. ბათუმში 6 უფასო სოციალური სასადილო 4800-მდე ბენეფიციარს ემსახურება.