24, მარტი 2018 20:42:00
ბათუმის მერია მძიმე ფსიქიკური აშლილობის მქონე პირებისთვის, ბინაზე მომსახურების მიზნით, ახალი პროგრამის დაფინანსებას გეგმავს. პროგრამა სპეციალისტების ბინაზე მომსახურების გარდა მედიკამენტების მიწოდებასაც ითვალისწინებს და 50 ბენეფიციარზე იქნება გათვლილი. პროგრამა ასევე ითვალისწინებს პაციენტებისა და მათი ოჯახის წევრების განათლებაზე ზრუნვას ამ მიმართულებით, ფსიქოლოგიურ მხარდაჭერასა და მათ გარემოში ინტეგრაციას . ახალი პროგრამის ბიუჯეტი 58 100 ლარია.