12, თებერვალი 2017 11:10:00
ლაბორატორიული კვლევის საფუძველზე გაირკვა, რომ ქობულეთში სასმელი წყალი სიცოცხლისთვის საფრთხეს არ წარმოადგენს. წყალი ხუთ მაჩვენებელზე შეამოწმეს, თუმცა დარღვევები არცერთ შემთხვევაში არ დაფიქსირებულა. როგორც ლაბორატორიულ კვლევით ცენტრში განმარტავენ, წყალი ასევე, პათოგენურ მიკროორგანიზმებზეც გამოიკვლიეს. რამდენიმე დღის წინ შპს „ქობულეთის წყლის“ ადმინისტრაციის თანამშრომლებმა რეზერვუარები გამორეცხეს, წყალში კი ქლორის ზედმეტი შემცველობა ჩაუშვეს, რაც მოსახლეობაში პანიკის საფუძველი გახდა. სასმელ წყალს ერთი კვირის განმავლობაში სპეციფიკური სუნი და გემო ჰქონდა. „ქობულეთის წყლის“ დირექტორი ჩვენთან საუბრისას აღნიშნავდა, რომ შეცდომა სათაო ნაგებობის უფროსმა დაუშვა, რაზეც ადმინისტრაციამ მოკვლევა დაიწყო.