შენიშვნები და კრიტიკა არც, წინა მოწვევის ფარგლებში აკლდა, ახალმა შემდგნელობამ კი ე.წ „გერმანული მოდელის“ განხილვის გაგრძელებაზე უარი თქვა. შესაბამისად, მერაბ აბაშიძისა და გია მასალკინის 5 თვიანმა მუშაობამ ფუჭად ჩაიარა. კანონპროექტის ერთ-ერთი ინიციატორი უარის თქმის მიზეზად იმასაც ასახელებს, რომ დოკუმენტის ავტორები „ეროვნული ფორუმისა“, და „რესპუბლიკური პარტიის“ წარმომადგენლები იყვნენ.
„ეროვნული ფორუმის“ წევრი, მერაბ აბაშიძე კი მიიჩნევს, რომ „ქართული ოცნება“ მთავარი გამოწვევის წინაშე დარჩა და ეს გამოწვევა საარჩევნო გარემოს გაუმჯობესებაა.
მოქმედი საარჩევნო სისტემის შეცვლის მოლოდინი არ აქვთ „ერთიან ნაციონალურ მოძრაობაში“. ელგუჯა ბაგრატიონი თვლის, რომ ე.წ „გერმანული მოდელი“ მოქმედს ჯობია, თუმცა ამავდროულად უკეთესის ინიცირების საჭიროებაზე საუბრობს.
რატომ არ აღმოჩნდა მზად ახალი მოწვევის უმაღლესი საბჭო კანონპროექტის განხილვის გასაგრძელებლად? მმართველ გუნდში იმ მიზეზებზე საუბრონენ, რამაც მათი უარი განაპირობა.
ე.წ „გერმანული მოდელით“ აჭარის უმაღლესი საბჭოს არჩევნების ჩატარების შემთხვევაში საკანონმდებლო ორგანოში დეპუტატები იმ პროპორციით გადანაწილდებოდნენ, რამდენ პროცენტსაც პარტია არჩევნებზე მიიღებდა და ამ სისტემაში მოექცეოდნენ მაჟორიტარებიც.
2
s
s
s