ბათუმში კულტურული მემკვიდრეობის დაცვის ზონაში კიდევ რამდენიმე სახლის დემონტაჟი და მათ ნაცვლად მრავალსართულიანი კორპუსების მშენებლობა იგეგმება. გორგასლის 84/86-ში არსებული სახლები მშენებელ კომპანიას უკვე შემოღობილი აქვს და ადგილზე აქტიური სამუშაოები მიმდინარეობს. მშენებლობას კომპანია „ბი გრუპ ჰაუსი“ გეგმავს, კომპანიამ აჭარის კულტურული მემკვიდრეობის დაცვის სააგენტოს ზონალური საბჭოსგან თანხმობა მიიღო. ნებართვა საბჭოს მიერ როგორც სააგენტოში გვითხრეს 2016 წელს არის გაცემული, რის გამოც სატელევიზიო კომენტარი არ გაკეთდა. ბათუმის მერიაში კი გვითხრეს, რომ კომპანიას მშენებლობის ნებართვისთვის უწყებისთვის ჯერ არ მიუმართავს. მაღლივი კორპუსის მშენებლობა იგეგმება გორგასლის #80/82-შიც. ამ მისამართზე განაშენიანების ინტენსივობის კოეფიციენტის გაზრდაზე აჭარის მთავრობის თავმჯდომარემ კომპანია „ჯეობილდინგ +“ – ს უშუამდგომლა. ინფორმაციას გამომცემლობა „ბათუმელები“ ავრცელებს.
1
s
s
s