05, აპრილი 2018 14:07:00
სენაკში ნაპოვნი გადაშენების პირას მყოფი თეთრთავა ორბი ბათუმის ზოოპარკში გადმოიყვანეს. მოქალაქემ წითელ წიგნში შესული ფრინველი მძიმე მდგომარეობაში იპოვა. როგორც მთავარი ვეტ-ექიმი ამბობს, ორბს სიცოცხლესთან შეუთავსებელი დაზიანებები არ აღენიშნება. ფრინველი მკურნალობის შემდეგ ისევ, ველურ ბუნებას დაუბრუნდება. საქართველოში გავრცელებული ორბი მაღალი მთის მკვიდრია, ცხოვრობს მშრალ და ღია ლანდშაფტებში, ბუდობს კლდეებზე, ხევებსა ან ბორცვებზე. იკვებება ცხოველების ლეშით, რის გამოც მას ბუნების სანიტარს ეძახიან.