14, თებერვალი 2017 11:37:00
სამთავრობო კომისია თხილვანას მოსახლეობასთან მოლაპარაკებებს აგრძელებს. რეგისტრაციის პროცესი თხილვანის საჯარო სკოლაში მიმდინარეობს. მეწყერსაშიშ ზონაში მცხოვრებთა უმეტესობა 25 ათას ლარიან პროგრამაში უკვე ჩაერთო იმ პირობით რომ , აღნიშნული თანხით მათთვის სასურველ ტერიტორიაზე მიწის ნაკვეთს შეიძენენ, სადაც სოფლიდან სახლის გადატანაც იქნება შესაძლებელი. რამდენიმე ოჯახისთვის კი მთავრობის შეთავაზება კვლავ მიუღებელია. მოქალაქეთა მცირე ნაწილი სოფელში დარჩენას და სახლების სოფელშივე უსაფრთხო ადგილას გადატანას მოითხოვს. წინააღმდეგ შემთხვევაში ტერიტორიის დატოვებას არ აპირებენ. ახალი მეწყრული კერა თხილვანაში ორი დღის წინ გააქტიურდა, სადაც რვაკაციანი ჯგუფი ისევ აგრძელებს მორიგეობას.