20, აპრილი 2018 17:02:00
რა უნდა იცოდეს მოსწავლემ გარეულ ცხოველთან ურთიერთობის დროს და როგორია ველური ბუნების როლი ეკოსისტემაზე. ცნობიერების ამაღლების კუთხით აჭარის განათლების სამინისტრომ ახალი სასწავლო პროგრამა შეიმუშავა. კონსერვაციული განათლების სასწავლო მოდულის პრეზენტაცია დღეს სამინისტროში გაიმართა, სადაც ინიციატივის დადებით მხარეებზე და მოსალოდნელ შედეგებზე ისაუბრეს. სახელმძღვანელო "შავი ზღვის ეკო აკადემიის" ექსპერტების მიერ მომზადდა და ის 2015 წელს ჩატარებულ "ადამიანისა და გარეული ცხოველების საბაზისო" კვლევას ეფუძნება.