26, აპრილი 2018 17:04:00
ჯელალ ქიქავა საპროტესტო აქციებს აანონსებს. არასამთავრობო ორგანიზაციის ხელმძღვანელი ამბობს, რომ მასზე და მის მეგობრებზე განხორციელებული თავდასხმის მონაწილეები დღემდე არ დაუსჯიათ. მისი თქმით გამოძიება ხელოვნურად ჭიანურდება. ქიქავა ირწმუნება, რომ 24 მარტს რამდენიმე სპორტსმენი თავს დაესხა და ფიზიკურად გაუსწორდა. პროცესი კი მისი მტკიცებით, საქართველოს პარლამენტის დეპუტატ მუხრან ვახტანგაძის მიერ იყო მართული. შინაგან საქმეთა სამინისტროში განმარტეს, რომ საქმეზე გამოძიება მიმდინარეობს და ჯერ ექსპერტიზის პასუხი ცნობილი არ არის. საკითხზე მუხრან ვახტანგაძე კომენტარს არ აკეთებს.