28, აპრილი 2018 20:43:00
ე.წ. ბონი-გოროდოკის დასახლებაში ინფრასტრუქტურული სამუშაოები მიმდინარეობს. პროექტის ბიუჯეტი მილიონ 533 ათასი ლარია და სამუშაოებს შპს ,,ბონდი2009“ აწარმოებს. სვიშევსკის ქუჩიდან ნადიმ ნიჟარაძის ქუჩამდე ტარდება მიწისქვეშა და მიწისზედა კომუნიკაციების მოსაწესრიგებელი სამუშაოები და იგება გზის საფარი. სარემონტო სამუშაოები მიმდინარე წლის მარტში დაიწყო და 2019 წლის ივნისის შუა რიცხვებისთვის უნდა დასრულდეს. აღნიშნული ტერიტორია სრულად იქნება ადაპტორებული შშმ პირებისთვის.