16, მაისი 2018 14:08:00
აჭარის დასაქმების სააგენტოს პროფესიული გადამზადების პროგრამის ფარგლებში, რეგიონში მოქმედი 11 ორგანიზაციის 25 თანამშრომელი გადამზადდა. მონაწილეებმა 2 თვის განმავლობაში ელექტროობის, ამწის მემანქანის, მძიმე სამშენებლო ტექნიკის, შემდუღებლისა და კულინარიული ხელოვნების კუთხით გაიარეს კურსი. პროფესიული გადამზადების ფარგლებში ისინი გადიოდნენ როგორც თეორიულ და პრაქტიკულ კურსს, ასევე, სწავლობდნენ უცხო ენებს. კურსადამთავრებულებს დასაქმების სააგანტესო მიერ კვალიფიკაციის დამადასტურებელი ორენოვანი სერთიფიკატები გადაეცათ.