18, მაისი 2018 14:05:00
აჭარის მთავრობის თავმჯდომარე ზურაბ პატარაძე ოფიციალური ვიზიტის ფარგლებში, საქართველოს საგარეო საქმეთა მინისტრთან ერთად ყაზახეთის რესპუბლიკაში იმყოფება. დელეგაციის სტუმრად ყოფნის დღეებში ასტანაში საქართველოს დამოუკიდებლობის 100 წლის იუბილესადმი მიძღვნილი ღონისძიება გაიმართა, რომელზეც ოფიციალური პირების და მიწვეული სტუმრების წინაშე ჯგუფი „ინსაითი“ და ნინო ქათამაძე წარსდგნენ. ზურაბ პატარაძემ არაერთი შეხვედრა გამართა ყაზახეთის რეპუბლიკის სამთავრობო და კერძო სექტორის ხელმძღვანელ პირებთან, მათ შორის ყაზახეთის რესპუბლიკის პრემიერ-მინისტრთან და კომპანია „ყაზმუნაი გაზის“ მმართველი საბჭოს ხელმძღვანელებთან. შეხვედრებზე ხაზი გაესვა საქართველოსა და ყაზახეთის წარმატებულ თანამშრომლობას მრავალი მიმართულებით. შესაბამისი ვიდეო მასალა და ინფორმაცია მთავრობის პრესცენტრმა მოგვაწოდა.