16, თებერვალი 2017 11:17:00
აჭარის განათლების, კულტურისა და სპორტის სამინისტრო რეწვის სახელოსნოებს დააფინანსებს. პროექტის ფარგლებში გამოცხადდება კონკურსი, რომელიც დაკარგვის საფრთხის ქვეშ მყოფი დარგების შენარჩუნებასა და განვითარებაზე იქნება ორიენტირებული. სამინისტრო დაფინანსებით რეგიონის მასშტაბით, ხუთი სახელოსნო გაიხსნება, თითოეული ბენეფიციარი კი სავარაუდოდ 4 100 ლარით დაფინანსდება. საპროექტო განაცხადებს შორის უპირატესობა იმ სახელოსნოებს მიენიჭებათ, რომელთა მიერ შექმნილ ნამუშევრებს ამავდროულად გააჩნია საბაზრო პოტენციალი.