21, მაისი 2018 14:12:00
სარფში საპროტესტო აქცია გაიმართა. შეკრებილები ეკლესიის გვერდით სამორინეს გახსნას ეწინააღმდეგებიან. მიაჩნიათ, რომ ტაძრის გვერდით მსგავსი ტიპის ობიექტი არ უნდა ფუნქციონირებდეს. აქციის მონაწილეები რეგიონის მთავრობის წარმოამდგენლებს მიმართავენ და პროცესის შეჩერებას ითხოვენ. ცნობისთვის ტაძრის მიმდებარედ კიდევ ერთი კაზინო არსებობს, რომელიც რამდენიმე წლის წინ გაიხსნა. სარფში მცხოვრებლების თქმით, აქციის მონაწილეთა ნაწილი არაადგილობრივია და მათი მოთხოვნა გამართლებულად არ მიაჩნიათ. ადგილობრივები ახალი სამორინეს გახსნამდე უკვე მოქმედი დაწესებულების დახურვას ითხოვენ.