22, მაისი 2018 14:09:00
ჰასან ჰელმიშის ქუჩის მცხოვრებლები "ენერგო პრო ჯორჯიას" წინააღმდეგ. აქ მცხოვრებლების მტკიცებით, მაღალი ძაბვის გადამცემი მავთულები მიწის ზედაპირიდან სამ მეტრში იყო, რაც მათი მოსაზრებით სტანდარტის დარღვევაა. სწორედ ამ გარემოებას უკავშირებენ ადგილობრივები აფეთქებას, რის შედეგადაც სამი ადამიანი დაშავდა. შემთხვევა 19 მაისს მოხდა. თევზაობისას მაღალი ძაბვის გადამცემთან ანკესის შემხებლობის შეგედად დაშავებული ერთი მოზარდის ჯანმრთელობის მდგომარეობა კრიტიკულად მძიმეა. იგი თბილისში დამწვრობის ცენტრშია მოთავსებული და სხეულის 90 პროცენტის დამწვრობა აღენიშნება. მძიმე მდგომარეობაშია მეორე მოზარდიც, რომელსაც მედიკოსები ქირურგიული ჩარევისთვის ამზადებენ. როგორ პასუხობენ ადგილობრივთა ბრალდებას კომპანიაში და რამდენად დაცულია უსაფრთხოების სტანდარტი? თემის დეტალებით "მაცნეს" მთავარ გამოშვებაში ნახავთ.