17, თებერვალი 2017 17:26:00
დიდთოვლობამ პრობლემები შექმნა ხელვაჩაურის მუნიციპალიტეტშიც. სოფელ თხილნარში ცენტრალური და საუბნო გზები თოვლისგან გაუწმენდავია. ადგილობრივები ფეხით გადაადგილდებიან. ინტენსიური თოვის გამო, მოძრაობა ტრანსპორტითაც ჭირს. გამგეობაში განმარტეს, რომ 64 სოფლის გზის ერთდროულად გაწმენდა შეუძლებელია. გამგებლის ნადიმ ვარშანიძის თქმით, ამ ეტაპზე 9 ერთეული ტექნიკა მუშაობს. გზები კი იმ მიმართულებით იწმინდება, სადაც გადაადგილება შეუძლებელია. შეფერხებებია სკოლამდელი აღზრდის დაწესებულებებშიც. პროცესი შეწყდა 4 საჯარო სკოლაში.