02, ივნისი 2018 20:02:00
სოკარ ჯორჯია გაზი აჭარას ინფორმაციით საქართველოს გაზის ტრანსპორტირების კომპანიის მაგისტრალურ გაზსადენზე, მომხდარი ავარიის გამო აჭარის რეგიონს გაზმომარაგება შეუწყდა. დავით ლეკიშვილის განცხადებით, ამ დროისთვის აბონენტების გაზმომარაგება სოკარ ჯორჯია გაზი აჭარას მაგისტრალებში არსებული ნარჩენი ბუნებრივი აირით ხდება. რაც მისივე განმარტებით, საკმარისი იქნება მხოლოდ ღამის ათ საათამდე. სოკარ ჯორჯია გაზი აჭარა მოსახლეობას აფრთხილებს დაიცვან უსაფრთხოების ნორმები და ჩაკეტილ მდგომარეობაში იქონიონ გაზის დანადგარებზე ონკანები. კომპანიაში ამბობენ, რომ ავარიის ადგილზე დაწყებულია აღდგენითი სამუშაოები. ბუნებრივი აირის აღდგენის პროცესი რეგიონში ხვალ დილიდან ეტაპობრივად დაიწყება და სამშაბათს დღის პირველ ნახევრამდე გაგრძელდება.
5
s
s
s