09, ივნისი 2018 20:08:00
ხელვაჩაურის პოლიციის განყოფილების წინააღმდეგ დღეს საპროტესტო აქცია გაიმართა. რაიონული სასამართლოს შენობასთან შეკრებილი ადგილობრივები პოლიციელების მხრიდან დაშანტაჟების ფაქტებზე საუბრობენ. აქციის პარალელურად ხელვაჩაურის სასამართლოში, 30 მაისს ბათუმში ჯავახიშვილის ქუჩაზე დაკავებული მოქალაქის სასამართლო პროცესი მიმდინარეობდა, რომელსაც ცეცხლსასროლი იარაღის შენახვა ედებოდა ბრალად და ის გირაოს სანაცვლოდ გაათავისუფლეს. მეორე დღეს კი ძარცვის ბრალდებით დააკავეს. დაკავებულის ახლობლები და ადვოკატი თვლიან, რომ სამართალდამცავების მხრიდან პიროვნების მიმართ ადგილი აქვს მიზანმიართულ ზეწოლას, რადგან ის ერთხელ უკვე არის ნასამართლევი.