ზაალ უდუმაშვილის საგანგებო განცხადების შემდეგ ტელეკომპანია „რუსთავი 2“ საპროტესტო მაუწყებლობაზე გადავიდა. ამ დროისთვის არხს მაუწყებლობა შეწყვეტილი აქვს. სამაუწყებლო კომპანიის დირექტორის მოადგილემ „კურიერის“ სპეციალურ გამოშვებაში აღნიშნა, რომ ეს არის პროტესტის უკიდურესი ზომა, რომელსაც შესაძლოა ტელევიზიამ მიმართოს.
„რუსთავი 2“-ის გარდა, დროებით მაუწყებლობას აჩერებს ჰოლდინგში შემავალი სხვა ტელეკომპანიებიც. „ვაპროტესტებთ უსამართლობას“ - ამ შინაარსის წარწერა „კომედი არხზე“ და „მარაოზეც“ გამოჩნდა. საზოგადოებრივი მაუწყებლის „აჭარის ტელევიზიის და რადიოს“ ჟურნალისტს მიაჩნია, რომ ქვეყანაში ალტერნატიული აზრი უნდა არსებობდეს, სწორედ ამიტომ, ტატო ცეცხლაძე სამაუწყებლო კომპანიას მხარდაჭერას უცხადებს.
საპროტესტო რეჟიმში მუშაობს სამაუწყებლო კომპანია „რუსთავი 2-ის“ ვებგვერდიც. ქვეყანაში ერთ-ერთი რეიტინგული და გავლენიანი ტელეკომპანიის პროტესტის ეს ფორმა დემოკრატიაზე უარყოფითად აისახება, ფიქრობს აჭარის ტელევიზიის ჟურნალისტი. ლაშა ზარგინავა ფაქტს საგანგაშოს უწოდებს და ამბობს, რომ ამით შესაძლოა თავისუფალი სიტყვა დაზარალდეს.
საზოგადოების მობილიზაციის აუცილებლობაზე საუბრობენ მესამე სექტორში, სადაც აცხადებენ, რომ სამაუწყებლო კომპანიის დაცვით მედიის თავისუფლებას საფრთხე არ შეექმნება.
„ერთად დავიცვათ ”რუსთავი 2” და სიტყვის თავისუფლება“ - ამ სახელწოდებით კვირას, თბილისში პარლამენტის ყოფილი შენობის წინ აქცია გაიმართება, სადაც მაუწყებლი გულშემატკივრებს ელოდება.
სასამართლო დავა სამაუწყებლო კომპანიის ამჟამინდელ და ყოფილ მფლობელს შორის 2015 წლიდან აგვისტოდან დაიწყო. რუსთავი 2-ის მენეჯმენტში მიაჩნიათ, რომ პროცესების უკან ხელისუფლება დგას.
25
s
s
s