19, თებერვალი 2017 20:20:00
სამაუწყებლო კომპანია ”რუსთავი 2”-ის მხარდასაჭერად, დედაქალაქში მასშტაბური საპროტესტო აქცია გაიმართა. აქციაზე მოქალაქეები რეგიონებიდანაც ჩავიდნენ. პარლამენტის ყოფილ შენობასთან ისინი მსვლელობით მივიდნენ. მხარდამჭერებს ტელეკომპანიის ჟურნალსიტებმა და წამყვანებმა მიმართეს. „დღეს ჩვენ ერთად უნდა ვუთხრათ ამ ხელისუფლებას, რომ ვერასოდეს შეეხებით ამ ქვეყანაში სიტყვის თავისუფლებას“ - განაცხადა, „კურიერის“ წამყვანმა ზაალ უდუმაშვილმა, რომელმაც აქციაზე შეკრებილებს მადლობა გადაუხადა. შეგახსენებთ, ”რუსთავი 2” საპროტესტო მაუწყებლობაზე 18 თებერვლიდან გადავიდა. გათიშული იყო ტელეკომპანია ”მარაო”, “COMEDY არხი” და ”რუსთავი 2”-ის ვებგვერდი. სასამართლო დავა სამაუწყებლო კომპანიის ამჟამინდელ და ყოფილ მფლობელებს შორის 2015 წლის აგვისტოდან დაიწყო. რუსთავი 2-ის მენეჯმენტში მიაჩნიათ, რომ პროცესების უკან ხელისუფლება დგას.