16, ივნისი 2018 20:47:00
ბათუმს ჩინეთის სახალხო რესპუბლიკის ძიანსის პროვინციის დედაქალაქ ნანჩანის ოფიციალური დელეგაცია სტუმრობს. აჭარის მთავრობის თავმჯდომარემ დღეს ვიცე-მერს ციუ სიანძუნს თანმხლებ პირებთან ერთად უმასპინძლა. გაცნობითი ხასიათის შეხვედრაზე აჭარის საინვესტიციო გარემოზე, მიმდინარე ინფრასტრუქტურულ პროექტებზე, სასტუმრო ინდუსტრიის მიღწევებსა და ტურისტულ პოტენციალზე ისაუბრეს. აჭარის მთავრობის თავმჯდომარემ და ნანჩანის ვიცე-მერმა ერთობლივი პროექტების განხორციელებაზე, ქართული პროდუქციის ექსპორტის ზრდაზე, სავაჭრო-ეკონომიკურ და ტურიზმის სფეროში თანამშრომლობის გაღრმავებაზეც გაამახვილეს ყურადღება.