19, ივნისი 2018 20:00:00
საკონსტიტუციო სასამართლოში ბესიკ ქათამაძის, დავით მჟავანაძისა და ილია მალაზონიას კონსტიტუციური სარჩელის არსებითი განხილვა გაიმართა. საქმეზე სადაოა გამხდარი ნორმა, რომლის მიხედვითაც იკრძალება პლაკატების, ბანერებისა და ლოზუნგების განთავსება ისეთ ადგილებზე, რომლებიც არ არის სპეციალურად გამოყოფილი. მოსარჩელე მხარის თქმით, თვითნებურად, სააგიტაციო თუ სხვა სახის მასალის კერძო საკუთრებაში არსებულ ობიექტებზე გამოფენის აკრძალვა არაკონსტიტუციურია და ზღუდავს გამოხატვის თავისუფლებას. საქმეს საკონსტიტუციო სასამართლოს პირველი კოლეგია განიხილავს.