20, ივნისი 2018 14:11:00
რა მდგომარეობაა მე-3 პენიტენციურ დაწესებულებაში, რა პირობებში არიან პატიმრები და დაცული არის თუ არა მსჯავრდებულების უფლებები - მდგომარეობის გასაცნობად ცოტნე ანანიძე პატიმრებს შეხვდა და მათ პრობლემებს გაეცნო. აჭარის უმაღლესი საბჭოს ადამიანის უფლებათა დაცვის კომიტეტის თავმჯდომარის თქმით, მსჯავდებულები დახმარებას ძირითადად, სამედიცინო კუთხით ითხოვენ. დეპუტატი ასევე, შეხვდა პატიმარს, რომელმაც 3 დღე ე.წ. დეესკალაციის ოთახში გაატარა. საკნებში მონიტორინგთან ერთად, გარკვეული საკითხების მოგვარების მიზნით, დეპუტატი პენიტენციური დაწესებულების დირექტორსაც შეხვდა.