21, ივნისი 2018 14:08:00
ბათუმში რეგიონული განვითარების ფორუმი მიმდინარეობს. ღონისძიება ევროკავშირის პროექტის ფარგლებში იმართება და მას არასამთავრობო სექტორის, მთავრობის და სამოქალაქო საზოგადოების წარმომადგენლები ესწრებიან. შეხვედრაზე წარმოადგინეს რეგიონის 2016- 21 წლების სტრატეგიული განვითარების გეგმის პროექტზე კვლევის შედეგები, რომლის წარმოების შედეგად რამდენიმე სახის რეკომენდაცია დაიდო. შენიშვნები აჭარის მთავრობას უკვე გადაეგზავნა. 2016 წელს შემუშავებული დოკუმენტი დამკტკიცებული ამ დრომდე არ არის. აჭარის მთავრობაში განმარტეს, რომ პროექტის დამტკიცებამდე მის განხილვაში ყველა მხარის მოსაზრებების მოსმენაა აუცილებელი.