23, ივნისი 2018 20:06:00
„წელიწადის ოთხი დრო – მეგობრობის პალიტრა ბათუმი 2018“ - ბათუმის ნიკოლოზ კანდელაკის სახელობის სამხატვრო სკოლაში, სახვითი ხელოვნების საერთაშორისო ფესტივალი მიმდინარეობს. ფესტივალის მეორე ეტაპი - „ზაფხული“ ათი დღის განმავლობაში გაგრძელდება. მასში ექვსი ქართველი და ოთხი უცხოელი მხატვარი მონაწილეობს. მხატვრები 40-მდე ფერწერულ ნამუშევარს შექმნიან. თემა და შესრულების ტექნიკა მრავალფეროვანია. ნამუშევრების გამოფენა აჭარის ხელოვნების მუზეუმის გალერეაში, 2018 წლის 26 ივნისს მოეწყობა.