სტრუქტურული ცვლილებების შედეგად მთავრობაში 10 სამინისტრო და 1 სახელმწიფო მინისტრის აპარატი რჩება. სტრუქტურული ცვლილებები საქართველოს პრემიერ-მინისტრმა, მამუკა ბახტაძემ  წარადგინა. მინისტრთა კაბინეტები შემდეგი სახით იქნება წარმოდგენილი: კულტურისა და სპორტის სამინისტრო განათლებისა და მეცნიერების სამინისტროს შეერწყმება, სასჯელაღსრულების სამინისტრო  იუსტიციის სამინისტროს შეუერთდება, ოკუპირებული ტერიტორიებიდან იძულებით გადაადგილებულ პირთა, დევნილთა და განსახლების სამინისტრო უქმდება და მისი უწყებები  სამ სხვადასხვა უწყებაზე გადანაწილდება: დევნილთათვის განსახლების მიმართულება გადავა რეგიონული განვითარებისა და ინფრასტრუქტურის სამინისტროში, მიგრაციის კომპონენტს შსს შეითავსებს,  სოციალური პოლიტიკა შეუერთდება ჯანდაცვის სამინისტროს. რელიგიის სააგენტო შეუერთდება შერიგებისა და სამოქალაქო თანასწორობის საკითხებში სახელმწიფო მინისტრის აპარატს, ეკონომიკის სამინისტროს სივრცითი განვითარების კომპონენტი კი რეგიონული განვითარებისა და ინფრასტრუქტურის სამინისტროში გადავა.

Tags:

გაზიარება

18