30, ივნისი 2018 20:50:00
ერთიანი ნაციონალური მოძრაობა ხელვაჩაურის მერიას ბიუჯეტის არამიზნობრივ ხარჯვაში ადანაშაულებს. მიშა ბოლქვაძის განცხადებით, მუნიციპალიტეტის ბიუჯეტში გათვალისწინებული 60 ათასი ლარიდან 50 ათასი საწვავისთვის, 10 ათასი კი ავტომობილის სხვა ხარჯებისთვისაა გათვალისწინებული. ბოლქვაძემ დღეს საკითხით დაინტერესებისკენ საქართველოს პრემიერს, უმრავლესობას კი რიგგარეშე სხდომის ჩატარებისა და თანხების უკან გამოთხოვისკენ მოუწოდა. ოპოზიციის ბრალდებას ხელვაჩაურის მერმა არ უპასუხა.