30, ივნისი 2018 20:42:00
ტრადიციული რეწვის ოსტატების პროდუქციის განვითარება-ასე ქვია პროექტს, რომელიც აჭარის განათლების, კულტურისა და სპორტის სამინისტროს მხარდაჭერით მესამე წელია ხორციელდება. საგანმანათლებლო-სახელოვნებო პროექტი -ხელს უწყობს ბაზრის მოთხოვნებზე ორიენტირებული პროდუქციის განვითარებას, რეწვის ოსტატების კავშირების დამყარებას და ტრადიციული რეწვის დარგის პოპულარიზაციას რეგიონში. პროექტის ფარგლებში, კონკურსში გამარჯვებულმა ოსტატებმა რეწვის ნიმუშები უნდა შექმნან. ის უნდა იყოს მსგავსი, თუმცა არა ანალოგი აჭარის მუზეუმებში დაცული კოლექციებისა. ექსპონატებს მონაწილეებს უკვე აცნობენ, ახალი დიზაინის პროტოტიპების შესამუშავებლად. პროექტის კონკურსანტები დღეს აჭარის ხარიტონ ახვლედიანის სახელობის მხარეთმცოდნეობის მუზეუმში იმყოფებოდნენ.