21, თებერვალი 2017 20:25:00
თამაზ ბაკურიძე საქართველოს საავტომობილო გზების დეპარტამენტისგან ბათუმი-ახალციხის მაგისტრალის სარეაბილიტაციო სამუშაოების გეგმის გასაჯაროებას მოითხოვს. უფლებადამცველის განმარტებით , აუცილებელია დროულად გასაჯაროვდეს სოფლების ჩამონათვალი და კომპენსაციის ოდენობა, რათა სახელმწიფოს არ დასჭირდეს ექსპროპრიაციის გამოყენება, რაც მოსახლეობის უკმაყოფილებას გამოიწვევს. ბაკურიძის განცხადებით სამუშაოები 2013 წელს უნდა დაწყებულიყო, თუმცა გაურკვეველი მიზეზების გამო შეჩერდა. ავტომაგისტრალი ხულო-ზარზმის საავტომობილო გზას მოიცავს და თამაზ ბაკურიძის განცხადებით , ძალიან მნიშვნელოვანი პროექტია. მისივე განმარტებით სარეაბილიტაციო სამუშაოების ფარგლებში 300 ზე მეტი ოჯახის განსახლება იგეგმება. საავტომობილო გზების დეპარტამენტის თავმჯდომარე სატელეფონო კომენტარში აცხადებს, რომ გეგმა მუშავდება და დასრულებისთანავე გასაჯაროვდება.