05, ივლისი 2018 14:08:00
აჭარის მთავრობის მინისტრთა კაბინეტის წარმომადგენლები უკვე მოვალეობის შემსრულებლები არიან. უფლებამოსილება მათ გუშინ, მთავრობის თავმჯდომარის გადადგომისთანავე შეუჩერდათ. რეგიონის პირველი პირის სავარაუდო კანდიდატურასთან ერთად ახლა ჯერი, მინისტრთა კაბინეტზეა. ვინ შეინარჩუნებს პოსტებს ახალ შემადგენლობაში ? - ზაალ მიქელაძე კონკრეტულ პასუხს არ გვცემს. ამბობს, რომ გადაწყვეტილებას გუნდთან ერთად მიიღებენ. კომენტარი არ გააკეთა აჭარის ფინანსთა და ეკონომიკის მინისტრმა. უწყების ხელმძღვანელმა სიტყვიერად განმარტა, რომ იგი კანონმდებლობით დაკისრებული მოვალეობის შესრულებას აგრძელებს.