05, ივლისი 2018 14:09:00
რატომ ტოვებენ ბოლო პერიოდში მაღალი თანამდებობის პირები პოსტებს ? - პრეზიდენტის ადმინისტრაციაში ზურაბ პატარაძის გადადგომასთან დაკავშირებით განმარტებას ითხოვენ. ამბობენ, რომ თანამდებობის პირები ქრებიან პოსტებიდან, ამის შესახებ კი საზოგადოებას არავინ უხსნის და არგუმენტაციას არ აძლევს. თავის მხრივ ადმინისტრაციაში განმარტავენ, რომ პრეზიდენტი კანონმდებლობის შესაბამისად იმოქმედებს და კანდიდატურის შესარჩევად შეხვედრებს რეგიონის პოლიტიკურ წრეებთან გამართავს. აჭარის მთავრობის თავმჯდომარის კანდიდატურაზე მთავრობასთან კონსულტაციების გავლა კანონით გათვალისწინებული არ არის. კანონმდებლობით გაწერილ ორი კვირის ვადაში პრეზიდენტი კონსულტაციებს გაივლის მხოლოდ უმაღლეს საბჭოში წარმოდგენილ ყველა პოლიტიკურ სუბიექტთან და უმაღლეს საბჭოს კანდიდატურას ამ კონსულტაციების შემდეგ წარუდგენს.